電影短評 —— 第一夫人的秘密 (Jackie)

第一夫人的秘密 Jackie (2016)

推薦指數：⭐️⭐️⭐️⭐️

電影預告：

傳記片係我最鍾意睇嘅一個電影類別，而呢套Jackie其實已經係2016嘅電影，當年Natalie Portman亦因為呢套電影獲得奧斯卡最佳女主角嘅提名，可惜仍不敵當年大熱La La Land嘅Emma Stone。本身對呢套電影冇了解，之前睇The Crown，其中一集講述Kennedy夫婦到訪英國皇室，一時間比Jackie所塑造出嚟嘅形象同魅力吸引，再探個究竟先發現原來有呢套電影。

敍事：

以訪問為主線，穿插不同場景，如JFK被刺殺、葬禮等場景，時間順序唔難理解。

演技：

爐火純青，比較下反而Emma Stone係La La Land嘅表現略遜一籌，睇得出做咗好多準備工夫，尤其係accent同談吐舉止都完美表現出第一夫人嘅個人魅力。

涵蓋主題：

死亡、人生意義、名譽、女性係政治中嘅角色。

總結：

係值得一睇嘅個人傳記，一開始個節奏可能令人覺得會悶，但慢慢睇落去就越嚟越緊湊，佢亦係一套好沉重嘅電影，全程嘅色調、配樂都比較壓抑，但同時亦營造到個氣氛去剖白Jackie內心嘅矛盾、哀傷，睇完會令人好同情佢嘅個人經歷。

Jackie係一位時尚icon，劇中嘅服裝設計亦係華麗極致、別出心裁，符合返Jackie嘅身份同時裝地位，而係呢套電影，你可以睇到fashion icon以外嘅Jackie係個點嘅人，華麗背後嘅佢有幾脆弱，佢如何以不平凡嘅身份，去面對喪夫之痛，以及目睹丈夫死亡、最血淋淋嘅創傷。好推介睇咗The Crown嘅人睇埋呢套，又或者睇完呢套睇埋The Crown S02E08，咁可以更連貫了解當時呢兩位女性領袖嘅處境。

The Crown S02E08 "Dear Mrs. Kennedy"