「入學考試的問題，答案往往只有一個，如果沒有找到這個答案，就是不合格，是很殘酷的。但，人生並不一樣，人生中有很多正確的答案，升讀大學是正解，不讀大學也是正解，熱衷運動也好，追隨音樂夢也好，與友人到處遊樂也好，為了某人繞路而行也好，這些全部都是正確答案。所以，不要畏懼活著。不管考上還是沒有考上，我們都不要否定自己的可能性，要挺起胸堂，理直氣壯地活着。」
《龍櫻—東大特訓班》
龍櫻係一套我好鍾意嘅日劇，高中嘅時候，朋友推介我睇，佢話佢睇完之後會超有動力讀書，之後我就跟風睇埋一份，果然，睇完龍櫻嘅我鬥志激昂，個排真係好努力讀書，好想入大學。
但正如龍櫻入面嘅先生所講，人生有好多個正解，正確答案唔止一個，入大學係正解，唔入大學亦都係正解，取決嘅更多係態度。
放榜、派成績表，成績好固然好，但成績不如理想嘅，記得仲有好多條等你去試、去探索，要上返大學有好多條路，讀唔到想讀嘅科又可以考慮trans科或者讀master改變自己嘅career path，唔讀書嘅先投身社會，慢慢搵自己嘅一技之長，做自己想做嘅野又何妨？以上嘅全部都係正解。
最後 咁多位DSE考生 辛苦晒喇 Good Job‼︎‼︎ (^｡^) 呢張相 係我入咗大學之後嘅第一個暑假同屋企人去東京影嘅 係東京大學嘅赤門 睇完龍櫻之後嘅我努力讀書 雖然讀唔到東大😂 但點都要黎一黎呢個地方
（成日話啲遊客黎自己大學打卡，但偏偏自己係人地大學都打埋一份 呢啲人就係我🙊）
Comments